МаккаБ ДООЕЛ

За организацијата

МаккаБ ДООЕЛ е подружница на водечката, инженеринг и трговска компанија Филкаб АД од Бугарија, која ја застапува дејноста на фирмата на македонскиот пазар. Филкаб е производствена фирма со дејност снабдување, дистрибуција и трговија со: кабелски производи, електрични апарати и средства за автоматизација, електрични апарати за среден напон, кабелски прибори и додатоци, опрема за осветлување, материјали за електрични инсталации фотоволтаични модули и носечки конструкции поврзани со нив, инвертор станици, кабли и конектори.

Паралелно со тоа, компанијата развива и инженерски услуги и врши комплетна услуга – проектирање, изработка, испорака, монтажа и пуштање во работа на комплетна електрична опрема и автоматизација на објекти, линии и опрема за индустријата, градежништвото и според проекти за обновливи извори на енергија; проектира и произведува опрема за осветлување, електрични табла за низок напон, комплетни уреди за дистрибуција 24 kV, бетонски комплетни трансформатори, инвертор станици за фотоволтаични електрични централи, разводни ормари.

Филкаб работи на база сертифициран интегриран систем за управување, вклучувајќи управување со квалитетот, животната средина, здравјето и безбедноста при работа.

Надлежностите во областа на трговијата и дистрибуцијата на електрични материјали, средства за автоматизација и инженеринг производи постепено израснуваат во производство и монтажа на електрични табли, разводни дистрибутивни уреди и бетонски комплетни трансформатори, диференцирајќи ја подружницата на Филкаб – Инженеринг ЕАД. Освен на македонскиот пазар, трговската и инженеринг активност на Филкаб, е претставена уште и во Србија и Романија.

Искуството стекнато со извршување на проекти за обновливи извори на енергија води до трансформацијата на секторот „Обновливи извори на енергија“ во самостојна компанија - Филкаб Солар ДОО, специјализирана во извршувањето на комплетни проекти во областа на обновливите извори на енергија. Филкаб Солар Енерџи е друго новоформирано друштво во рамките на групацијата, што има активност во областа „Обновливи извори на енергија“ на територијата на Турција.