Маккаб ги претставува шахтите Hidrostank – интелигентно решение за изградба на подземни мрежи

2025-10-243 мин.

Изградбата на подземни кабелски траси во современата градска и индустриска средина бара сигурност и долготрајност, но и висока адаптивност, ефикасност при монтажа и оптимизација на трошоците. Класичните бетонски решенија, и покрај нивната сè уште широка употреба, сè почесто се заменуваат со полесни, пофлексибилни и еколошки одржливи алтернативи. Такви се модуларните полипропиленски шахти Hidrostank со дно, кои компанијата Маккаб ги нуди на пазарот како дел од своето портфолио за изградба на подземни мрежи.

Благодарение на својата модуларна архитектура и материјални карактеристики, шахтата Hidrostank решава големи проблеми поврзани со сложеноста при транспортирање, потребата од тешка техника, долгото време на инсталација и недостатокот на флексибилност на стандардните бетонски конструкции. „Производите на Hidrostank целосно ги задоволуваат барањата на модерниот пазар - брза монтажа, флексибилни конфигурации и долготрајно работење при целосна компатибилност со сите современи кабелски и цевасти системи.“, информираа од Маккаб за BalkanEngineer.com.

Hidrostank се фабрички изградени правоаголни шахти со/без интегрирано дно и можност за вертикално надградување со додавање на модули. Ова овозможува лесно адаптација кон различни длабочини на трасата без потреба од проектирање на производи одвоени по димензии. Материјалот - армиран полипропилен - гарантира висока цврстина на притисок, отпорност на деформации и UV заштита, при што истовремено одржува исклучително мала тежина. Самата конструкција може да се дупчи на лице место со обични алатки, што го олеснува воведувањето на брановидни или цврсти цевководи без потреба од фабричка преработка.

Механичката цврстина на шахтите овозможува примена во зони со класа на оптоварување до B125 (12,5 тони) и опционално C250, покривајќи ги барањата за пешачки зони, паркинзи и делови со лесен сообраќај на возила. Затоа овие модели се погодни како за урбани инсталации, така и за фотоволтаични паркови, индустриски зони, станбени населби и трговски објекти.

2_6

Филкаб – централна канцеларија:

Адреса: Бугарија, гр. Пловдив 4004, ул. „Коматевско шосе“ бр.92

Телефон: +359 32 277 171; +359 32 608 881

E-mail: office@filkab.com

МаккаБ ДООЕЛ

Адреса: Македонија, Визбегово, Јадранска Магистрала бр. 59

Телефон: +72 31 0300; +71 34 7133

E-mail: office@makkab.mk

Дознајте повеќе за производите и услугите на компанијата што ги нуди во Македонија ТУКА !