BalkanEngineer - Вести

Вести

24 february 2021Романија објави раст од 16% во градежништвото во 2020 година

Обемот на градежни активности во Романија се зголемил за 15,9% во 2020 година. Двоцифрени стапки на раст се забележуваат во сите три сектори - станбен, нестанбен и градежен инженеринг, дозна BalkanEngineer.com од веб-страницата на Romania-Insider.com. Податоците се од Националниот статистички институт на земјата. Изградбата на нестанбени згради, како што се канцеларии и трговски центри, во Романија регистрира помал раст - од 10,9%, за сметка на станбениот сегмент, кој покажа раст од 17,8%. Обемот на капитални поправки се зголемил за 46%, а активностите за одржување се зголемиле за 24,4%.
22 february 2021Бугарски проекти се номинирани за Mies van der Rohe Award

Осум бугарските проекти се номинирани за наградите на Европската унија за современа архитектура Міеѕ vаn dеr Rоhе Аwаrd, дозна BalkanEngineer.com од Gradat.bg. Наградите имаат за цел да го популаризираат квалитетот на европската архитектура и односите во ЕУ и светот, како и да ја истакнат улогата на архитектурата за заедничката европска култура. Номинациите беа одбрани од Комората на архитекти во Бугарија, Сојузот на архитекти во Бугарија, арх. Вјара Жељазкова, во својство на независен меѓународен експерт и проф. д-р арх. Георги Георгиев - раководител на Катедра „Архитектура“ во Нов бугарски универзитет.
17 february 2021Србија усвои стратегија за научен и технолошки развој

Министерството за образование, наука и технолошки развој на Србија објави дека владата на земјата усвои Стратегија за научен и технолошки развој на Србија за периодот 2021-2025 година, со наслов „Моќта на знаењето“, дозна BalkanEngineer.com од eKapija.com. Стратегијата има за цел да даде можност за го забрзување на развојот и интеграцијата на земјата во Европското пространство на истражување преку надградба на системот за научни технологии и иновации. Планирани се инвестиции во нови научно-технолошки паркови, центри за врвни достигнувања и институти.
15 february 2021Продолжуваат активностите во рамките на проектот БРТ систем во Скопје

Македонската престолнина Скопје ќе ги добие во март годинава прелиминарниот проект и придружната документација за првата линија на идниот систем од брз иавтобуски линии (БРТ) во градот. Првата линија ќе биде со должина 12,81 км и ќе се состои од 21 автобуска постојка и 2 автобуски терминали. Првата транша од заемот за проектот, што ќе ја додели Европската банка за обнова и развој (ЕБОР), изнесува 47,6 милиони евра. Средствата ќе бидат искористени за подготовката на главниот проект, изградбата на првата линија, како и за идни депа, реконструкција на булевари и улици по должина на трасата.
10 february 2021Zoppas го проширува својот тим во Србија

Италијанската производствена компанија Zoppas планира да го прошири својот тим во Србија со уште 300 вработени, дознава BalkanEngineer.com од веб-страницата Kapija.com, која го цитира генералниот менаџер на компанијата за Романија и Србија, Дорел Еначе. Компанијата е присутна на српскиот пазар од 2016 година. Претпријатието на компанијата во земјата се наоѓа во град Кикинда, а нејзиниот тим се состои од 700 луѓе. Според изјава на градоначалникот на Кикинда, Никола Лукач, во 2021 година во српскиот објект ќе биде преместена производствената линија од претпријатието на Zoppas во Романија, пренесува уште eKapija.com.
08 february 2021ЕСО објави висок раст на производството на електрична енергија од хидроцентралите во Бугарија

Во јануари годинава Бугарскиот електроенергетски системски оператор (ЕСО) забележа значително зголемување на производството на електрична енергија од хидроцентралите (ХЕ). Ова стана факт како последица на обилните врнежи од дожд во текот на месецот, дозна BalkanEngineer.com од Investor.bg. За пријавениот период, хидроцентралите произведоа 562 GWh електрична енергија, што е скоро 280% повеќе отколку во јануари 2020 година.
03 february 2021Северна Македонија ги финансира домаќинствата користејќи обновлива енергија

Владата на Северна Македонија усвои програма за унапредување на енергетската ефикасност и употребата на обновливи извори на енергија (ОИЕ) од домаќинствата во 2021 година, дозна BalkanEngineer.com од BalkanGreenEnergyNews.com. Средствата предвидени во рамките на програмата изнесуваат околу 840 000 евра. Програмата ќе им обезбеди на домаќинствата дополнителни 130.000 евра за набавка и инсталација на сончеви топлински колектори.
01 february 2021Hasit го проширува своето производство во Романија

Германската групација специјализирана за производство на градежни материјали Hasit ја разгледува можноста за стекнување нова фабрика во Романија или гринфилд инвестиција. Средствата што компанијата ќе ги инвестира во проектот изнесуваат 5 милиони евра. Hasit има две фабрики во Романија - округот Ѓургево и округот Клуж и на долг рок планира да го прошири своето производство во земјата на вкупно четири фабрики. Паралелно со ова, компанијата размислува за двојно зголемување на производствениот капацитет во својата фабрика во близина на град Букурешт со изградба на нова производствена линија и инвестиција од 1,5 милиони евра.
27 january 2021Започна изградбата на интерконекторот Бугарија - Србија

Поставен е почетокот на подготовката на работен проект за замена на надземната опрема на складиштето за гас „Чирен“.Се проширува и капацитетот на објектот за складирање на гас од 500 милиони на над 1 милијарда м3 гас, што е клучен елемент на бугарската инвестиција во терминалот за течен гас во Грција, како и во врска со интерконекторот на земјата со Грција. Извршниот директор на гасниот оператор „Булгартрансгаз“ Владимир Малинов изјави дека веќе е започната јавна набавка во вредност од околу 144 милиони лева за набавка на опрема и изградба на интерконекторот, кој на територијата на Бугарија е со должина од 62 километри.
25 january 2021Објавен е тендер за изградба на железничката пруга Куманово - Крива Паланка

Постапката за избор на изведувач на железничката пруга, која е долга 64,8 км, ќе се спроведе во две фази: претквалификација и квалификација. Градежната компанија, која ќе биде избрана за изградба на железничката пруга, ќе треба да ја инсталира сигналната и телекомуникациската инфраструктура на делницата од град Куманово до селото Бељаковце. Во објавениот тендер се посочува уште дека крајниот рок за завршување на активностите е 36 месеци.