Megger: TLS технологијата користена од NASA дава голем придонес во мониторингот на состојбата на трансформаторите

2026-01-053 мин.

Промени јазик: English Albania Bulgaria Serbia

Во 2012 година, по патување во космосот од над 560 милиони километри, роверот Curiosity слета на црвената планета. Неговата мисија беше да ја анализира средината на Марс, барајќи знаци на минат живот и проценувајќи го живеењето на планетата. Клучен дел од опремата на товарот на роверот беше TLS ласерскиот спектрометар со штелување на фреквенцијата TLS - високо чувствителен инструмент наменет за мерење на гасови во марсовската атмосфера. Истата таква сигурна и прецизна технологија веќе се користи многу поблиску овде на Земјата- не за истражување на далечни светови, туку за заштита на некои од најважните компоненти во нашите енергетски мрежи: трансформаторите.

„Уредот за контрола и мерење InsuLogix® G2 на Megger користи ласерски спектрометар TLS за рано предупредување за појава на неправилности во енергетските трансформатори. Со откривање на минимални концентрации на специфични гасови, оваа технологија нуди ново ниво на прецизност и сигурност на мониторингот што некогаш било резервирано за космички истражувања“, информираа за BalkanEngineer.com од компанијата.

Гасовите генерирани како резултат на дефект се клучни индикатори за состојбата на енергетскиот трансформатор. Тие се јавуваат кога изолационите материјали, како што се масло и хартија, се распаѓаат под влијание на висока температура или електричен напон. Различни видови на дефекти генерираат различни гасови, а нивната концентрација може да ги покаже тежината и развојот на дефектот.

InsuLogix® G2 на Megger ги користи можностите на ласерската спектроскопија со фреквентно штелување TSL за да обезбедат прецизни мерења на клучни гасови во реално време при појава на дефекти. „Исто како што роверот Curiosity користи TLS за анализа на марсовскиот воздух, G2 се користи за одредување на исклучиво ниски концентрации на ацетилен и содржина на влага во трансформаторското масло“, коментираат од Megger.