Смарт Енерџи Груп учествуваше на еден од најголемите форуми за обновлива енергија The smarter E Europe 2025
Во мај оваа година, индустрискиот саемски комплекс Messe München повторно стана светски центар за интегрирани решенија во областа на обновливата енергија со одржувањето на The smarter E Europe 2025. Четири придружни изложби на површина од над 200.000 квадратни метри ги претставија најновите достигнувања во областа на фотонапонските системи, складирањето на енергија, електричната мобилност и паметните енергетски мрежи. Со учеството на 2.737 изложувачи од 57 земји и околу 107.000 посетители од 157 земји, форумот го потврди својот статус како голема и технички заситена енергетска алијанса во Европа.
Меѓу компаниите што учествуваа и презентираа целосни интегрирани решенија на форумот беше и Смарт Солар Технолоџи, дел од Smart Energy Group - консолидирана група од компании што работат во областа на инженерингот, градежништвото и производството на електрична енергија од обновливи извори. Групацијата релизира проекти „клуч на рака“ за фотонапонски електрани во Бугарија и Европа - од идеен проект и логистика, до изградба, пуштање во работа и долгорочно одржување. Нејзиното портфолио вклучува над 450 MW инсталирана моќност, од кои 150 MW како сопствен инвеститор или во партнерства.
Компанијата работи на меѓународно ниво, со изведени проекти во Бугарија, Германија, Холандија, Шведска, Турција, Романија, Украина и Грција. Смарт Енерџи Груп има своја фабрика во Истанбул со годишен капацитет од 1500 MWp за производство на високоефикасни монокристални модули според технологија Half-Cut.
„Нашето учество во The smarter E Europe 2025 уште еднаш ја потврдува нашата ангажираност за развојот на технолошки иновативни решенија за снабдување со електрична енергија. Презентиравме реални работни модели кои интегрираат производство, складирање и одржување, способни да обезбедат висока енергетска автономија и оперативна ефикасност на фотонапонските централи. Нашата цел е да понудиме технологии кои се не само економски рентабилни, туку и технички одржливи во секоја фаза од животниот циклус на енергетските средства“, споделија уште од компанијата.
Адреса: Софија 1407, населба „Хладилника“, улица Никола Ј. Вапцаров бр. 35
Телефон: +359 2 962 7151
Е-пошта: skopje@smartsolar.bg
Извор на фотографии: Smart Solar, ©Engineer BG via Canva.com