Од вебинари до практични алатки и водичи – Grundfos нуди богата содржина во областа на пумпните системи

Grundfos, етаблиран производител на пумпни системи и опрема, на сите свои партнери, клиенти, инсталатери и заинтересирани стручњаци им обезбедува разновидни ресурси преку кои можат да ги унапредат своите знаења и експертиза и да ја олеснат својата работа. „Од онлајн обуки и вебинари до практични алатки и стручни водичи, Grundfos им овозможува на специјалистите од HVAC и ВиК секторот пристап до сè што им е потребно за да учат, истражуваат и ги оптимизираат своите системи. Нашата цел е да им помогнеме да бидат еден чекор пред другите во областа на пумпните системи за комерцијални објекти – во секое време и секаде“, изјавија од Grundfos за BalkanEngineer.com.

Платформата претставува богата колекција на онлајн курсеви поврзани со производната програма на Grundfos, примената на одделните производи, нивната инсталација, работа и подобрувања. Секој корисник може да креира сопствен профил на MyECADEMY, со што лесно може да пристапува до курсевите за кои е заинтересиран и да го следи својот напредок. „Grundfos Ecademy ја отвора вратата кон светот на стручните знаења, практичните совети и ресурсите за обука, достапни 24/7“, посочуваат од Grundfos.

„Нашите инспиративни вебинари ги водат истакнати експерти од индустријата, што значи дека учесниците добиваат знаења директно од „изворот“. Покрај тоа, темите опфаќаат и широк спектар на примени – од системи во објекти, преку индустриски случаи, до водоснабдителни системи“, дополнително истакнуваат од компанијата. Со креирање профил на платформата, корисниците можат да се информираат и да се вклучат во следните онлајн семинари, како и да се запознаат со веќе одржаните настани, чии снимки се достапни.

Специјално развиените дигитални алатки на Grundfos вклучуваат практични насоки, персонализирани библиотеки и континуирана онлајн поддршка за сите инженери, проектанти и монтажери на кои им е потребна помош. Меѓу нив се:

• Конфигуратор за пумпи;

• Конфигуратор за замена на пумпи;

• Центар за производи;

• BIM-содржини;

• Декларации за влијанието на производите врз животната средина (EPD) и др.

Извор на фотографии: Grundfos