Донирани од Schneider Electric решенија за енергетско управување ја гарантираат безбедноста на катедралата Нотр Дам во Париз

Пожарот што избувна во катедралата „Нотр Дам“ во Париз на 15 април 2019 година, кој предизвика сериозни оштетувања на културно-историскиот споменик, предизвика невиден бран на поддршка. Кон неа се приклучи и глобалната високотехнолошка групација Schneider Electric, која учествуваше во реставрацијата на објектот со донација на најсовремени технолошки производи за енергетско управување и безбедност на системите за згради.

„Катедралата Нотр Дам претставува врвно достигнување на средновековната уметност и е објект од светското културно наследство на УНЕСКО од 1991 година. Обезбедените од Schneider Electric најсовремени иновативни решенија го овозможија нејзиното обезбедување и набљудување на електричните опреми во неа. Благодарение на нив, системот за управување со згради (BMS) е во состојба да управува и да ја оптимизира потрошувачката на енергија на споменикот“, соопштија за BalkanEngineer.com од Schneider Electric.

Во рамките на иницијативата, Schneider Electric ја испорача целата опрема потребна за напојување на објектот и за неговата безбедност. Ова вклучува трансформатор од 20 kV/410V 1250 kVA, ќелии 20 kV висок напон, инвертори, општи и дивизиски електрични табли, заштитно осветлување, уреди и друго. Меѓу решенијата што ги донира групацијата се и инструменти за техничко управување на зградата. „Освен со испораката на опрема, Schneider Electric се ангажира и со дел од одржувањето на опремата за дистрибуција на електрична енергија, помага за проектирањето, истражувањата, пуштањето во работа и програмирањето на инсталираните системи, како и спроведува обука за идните корисници“, објаснија од компанијата.

Поради опожарувањето, старата електрична инсталација престана да функционира, а без струја отворањето на „Париската Света Богородица“ е невозможно. Новата мрежа обезбедува дистрибуција на електрична енергија и безбедност на системите, обединувајќи решенија и технологии од најнова генерација кои го оптимизираат управувањето со електричната енергија и ја гарантираат безбедноста на историскиот споменик.

Дознајте повеќе за производите и услугите на компанијата што ги нуди во Македонија ТУКА!

Извор на фотографии: Шнајдер Електрик Бугарија, Schneider Electric