Старт Инженеринг испорачува градежни елементи за изградбата на Bordeaux Métropole Aréna во Франција
Во месец март 2016 година, на брегот на реката Гарона во град Бордо, Франција, започна изградбата на една од најмодерните и импресивни по своите димензии концертни сали во светот - Bordeaux Métropole Aréna. Таа ќе биде со капацитет од 11 000 седишта и ќе располага со обезбедени над 950 места за паркирање на посетителите. Учество во изградбата на салата зема и докажаната инженерска фирма Старт Инженеринг, со своите производствени бази во бугарските градови Софија и Бургас, соопштија за BalkanEngineer.com од компанијата.
Учеството на Старт Инженеринг во проектот е поврзано со производството и испораката на сите скелиња за оплати и секаков тип заштитни елементи кои ја обезбедуваат безбедноста на работа за време на изградбата. „Првата фаза од испораките заврши успешно и елементите веќе се монтираат на градилиштето“, појаснија од Старт Инженеринг.
Самата изградба на Bordeaux Métropole Aréna е доверено на една од најголемите градежни фирми на територијата на Франција, а инвестицијата е проценета на 58 милиони евра.
Отворањето на салата е предвидено за почетокот на 2018 година, а веќе активно се извршуваат подготвителни и градежни активности. Според првичните процени во салата ќе можат да се одржуваат повеќе од 100 настани годишно - културни, спортски, вариететски спектакли и др. „Карактеристика на салата е нејзината неправилна геометриска форма, што значи и уникатност на градежните елементи“, коментираа во заклучокот од Старт Инженеринг.
Старт Инженеринг – централна канцеларија
Адреса: Бугарија, Софија 1220 ул. "Локомотив" бр. 3
Телефон: 00359 2 936 03 73, 00359 2 931 60 65, 00359 898 690 666
E-mail: office@starteng.com
Извор на фотографии: Старт Инженеринг, www.bordeauxmetropolearena.com