КМТ Сервиз: Опремата за канализациска инспекција на IBAK „спасува“ два значајни историски објекта во Саксонија

Два значајни историски објекта во Саксонија ја користат технологијата за канализациска инспекција на IBAK за да ја зачуваат својата архитектонска и културна важност за локалната заедница. Тврдината Кенигштајн (Königstein) и замокот Хиршштајн (Hirschstein) – двата во близина на Дрезден, Германија – се меѓу проектите во кои локалната компанија Komplex Umweltservice користи камери, инспекциски системи и софтвер за испитување на подземната инфраструктура од марката IBAK, а детали за BalkanEngineer.com презентираа од компанијата КМТ Сервиз.

Секоја година во декември, во тврдината Кенигштајн се одржува традиционален адвентски базар, кој се смета за еден од најубавите во Германија. „Подготовките за празникот, меѓутоа, вклучуваат и активности кои остануваат скриени од очите на посетителите, но имаат клучно значење за нивниот комфор. Една од најважните е превентивното чистење на канализациските цевки, со цел да се избегнат непријатни изненадувања во тоалетите при зголемен број посетители. Потребно е да се обезбеди непречено одведување на отпадните води преку канализацијата, за што цевките се инспектираат со системите MiniLite и ORION“, објаснија од КМТ Сервиз.

На карпа висока 25 метри на левиот брег на Елба, спроти Дисбар-Зојслиц, се издига замокот Хиршштајн. Првично изграден како тврдина во 10 век, објектот го добива денешниот изглед по обемна реконструкција, завршена во 1894 година. Сепак, времето веќе ги оставило своите траги. „За целосен концепт на рехабилитација, потребно е не само да се открие причината за големата влага во замокот, туку и да се соберат податоци за ширината, должината и висината на цевките. За таа цел, Komplex Umweltservice го користи камерскиот систем MiniLite, со кој може да се извршат 3D мерења на трасата на цевководите, заедно со софтверскиот модул 3D GeoSense и камерата ORION 2.8 L pan and rotate, опремена со 3D сензор. Дополнително, за работата е неопходен пренослив компактен систем, бидејќи поплочениот внатрешен двор е достапен само преку вратите на околните простории“, раскажаа од КМТ Сервиз.

Извор на фотографии: КМТ Сервиз, IBAK