Lexium Cobot – новите коботи на Schneider Electric за безбедно, ефикасно и флексибилно производство во паметните фабрики

Schneider Electric го пласираше на пазарот новото поколение колаборативни роботи Lexium Cobot, кое интегрира најсовремени функции со напредни роботизирани технологии, поставувајќи нов стандард во индустриската автоматизација. Развиена за безбедна и ефикасна заедничка работа со операторите, иновативната серија коботи обезбедува висока прецизност и мазност на движењата благодарение на интелигентно управување на моментот и брзината.

„Создаден за да ги оптимизира производствените процеси и да го зголеми нивото на безбедност, Lexium Cobot придонесува за намалување на застојот предизвикан од недостиг на персонал – проблем кој може негативно да влијае на производствениот капацитет на претпријатијата, намалувајќи го до 20%. Благодарение на својата флексибилност и технолошки можности, системот овозможува извршување на задачи и апликации кои остануваат недостижни за конвенционалните индустриски роботи“, соопштија за BalkanEngineer.com од Schneider Electric.

Сите верзии на роботот се опремени со сензорни механизми за откривање на нежелена интеракција, како и со вградени заштитни функции, кои обезбедуваат сигурна експлоатација и за опремата и за операторите. Компактната конструкција со мазни, заоблени форми дополнително го минимизира ризикот од незгоди. Во зависност од специфичноста на апликацијата и направената проценка на ризикот, овие карактеристики можат да ја елиминираат потребата од дополнителни заштитни огради, при што се намалува зафатеното простор околу 30-40% во споредба со стандардните индустриски решенија. „Покрај тоа, Lexium Cobot се воведува брзо во производна средина, без значителни временски или капитални ресурси“, истакнуваат од Schneider Electric.

Со своите поедноставени можности за програмирање, брза конфигурација и интуитивен интерфејс, новото поколение коботи на Schneider Electric се утврдува како решение со висока оперативна ефикасност. Краткиот период за обука на персоналот дополнително го забрзува воведувањето во производниот процес. Ова им овозможува на индустриските претпријатија значително да го скратат рокот на враќање на инвестициите при премин кон модерни, интелигентни производствени фабрики.

Извор на фотографии: Schneider Electric Бугарија, Schneider Electric