GM AirSeT – новата дигитална и одржлива технологија без SF₆ на Schneider Electric за примарни среднонапонски апликации

Со забрзувањето на електрификацијата во различни индустрии, се зголемува и потребата од сигурна, одржлива и дигитална енергетска инфраструктура. Регулаторни рамки како Регулативата (ЕУ) 2024/573 за флуорирани стакленички гасови ги поттикнуваат операторите на електродистрибутивни мрежи, индустријата, секторот на згради, центрите за податоци и инфраструктурните системи да преминат кон технологии што не користат SF₆.

„Со едно од своите најнови решенија – GM AirSeT, глобалната групација Schneider Electric го прошири своето портфолио на решенија без SF₆, зацврстувајќи ја својата позиција како пазарен лидер кај секундарните среднонапонски разводни постројки и влегувајќи во сегментот на примарни GIS апликации. Технологијата обезбедува одржлива и ориентирана кон иднината алтернатива за операторите на енергетски мрежи, центрите за податоци и енергетски интензивните индустрии“, соопштија за BalkanEngineer.com од Schneider Electric.

„Палетата AirSeT се развива многу брзо. Со новата линија GM AirSeT можеме да ги поддржиме големите потрошувачи на енергија и мрежните оператори во нивните напори за декарбонизација и приспособување кон претстојните европски регулаторни барања, додека истовремено преминуваат кон апликации со поголеми капацитети“, изјави Мелтон Чанг, извршен потпретседател за енергетски системи во Schneider Electric.

Оваа примарна гасноизолирана разводна опрема претставува компактно дигитално решение без SF₆, наменето за најсложените и најзахтевни апликации. За изолација користи чист воздух наместо гасни смеси или алтернативни флуорирани стакленички гасови. Отстранувањето на потребата од рециклирање и специјализирана обработка на гасот ги намалува регулаторните ризици и вкупните трошоци на сопственост. Интелигентните функции овозможуваат скалабилни стратегии за одржување засновани на реалната состојба на опремата, што помага во надминување на недостигот од квалификувани стручњаци и ја зголемува доверливоста на средствата.

Главни карактеристики и предности на GM AirSeT:

• Изолација без SF₆;
  • Дигитална архитектура;
  • Компактен и одржлив дизајн;
  • Зголемена безбедност и оперативна ефикасност.

Извор на фотографии: Schneider Electric, ©Engineer BG via Canva.com