Schneider Electric lançon gamën e re të ndërprerësve të qarkut EasyPact CVS për sisteme energjie të qëndrueshme

2025-11-054 min.

Ndrysho gjuhën: English Bulgaria N. Macedonia

Schneider Electric, lider global në transformimin digjital të menaxhimit të energjisë dhe automatizimit, prezanton në tregun ndërkombëtar gjeneratën e re të ndërprerësve automatikë EasyPact CVS 800–1600 A (MCCB). I projektuar për të përmbushur kërkesat gjithnjë në ndryshim të shpërndarjes moderne elektrike, ky ndërprerës kombinon përdorim intuitiv, dizajn kompakt dhe efikasitet ekonomik, duke vendosur standarde të reja për siguri dhe besueshmëri në ndërtesa banimi, tregtare dhe industriale në mbarë botën.

“Seria e re e ndërprerësve EasyPact CVS 800–1600 A është krijuar për të përballuar të gjitha sfidat bashkëkohore – nga prodhimi i decentralizuar i energjisë dhe kufizimet hapësinore, deri te konfigurimet komplekse të rrjeteve dhe nevoja për mbrojtje të besueshme ndaj defekteve elektrike. Me një trup të unifikuar për vlera të rrymës nga 800 deri në 1600 A, ky ndërprerës siguron besueshmëri dhe efikasitet të lartë, duke garantuar kohë maksimale funksionimi dhe kosto optimale operative,” komentuan për BalkanEngineer.com nga Schneider Electric.

Karakteristikat kryesore:
- Kapasitet i plotë për ndërprerje dhe izolim të sigurt në rast defekti:
Me treguesin Ics = 100% Icu, EasyPact CVS 800–1600 A siguron kapacitet të plotë për ndërprerje dhe izolim të sigurt në rast të një defekti elektrik. Përputhshmëria me standardet ndërkombëtare më të rrepta garanton siguri dhe mbrojtje edhe në mjediset më sfiduese.

- Dizajn kompakt:
Ndërprerësi kursen deri në 25% hapësirë në panel, gjë që e bën ideal për modernizimin e instalimeve elektrike dhe projektet me dimensione të kufizuara. “Aksesoret e përbashkët me serinë ComPacT NS të Schneider Electric ulin kostot e magazinimit dhe lehtësojnë mirëmbajtjen, duke siguruar rentarbilitet afatgjatë për klientët,” sqaruan nga kompania.

- Qëndrueshmëri dhe besueshmëri e lartë:
EasyPact CVS 800–1600 A përballon deri në 5000 cikle mekanike dhe 3000 cikle elektrike, duke minimizuar nevojën për mirëmbajtje dhe duke garantuar funksionim të qëndrueshëm në kushte të vështira industriale dhe tregtare.