Pompa nëntokësore Wilo-Actun OPTI siguron furnizim të pavarur me ujë për fëmijët e fondacionit “BAOBAB” në Ganë

Në shumë pjesë të botës, uji i pijshëm është një burim i pakët, i cili zvogëlohet progresivisht, ndërsa cilësia e tij përkeqësohet. Kjo është situata në zonat rurale rreth qytetit Kisi, Ganë, ku Fondacioni për Fëmijë “BAOBAB” kujdeset për fëmijë dhe të rinj me akses të kufizuar në arsim. Përveç aftësive bazë, si leximi, matematika dhe gjuha angleze, fëmijët në organizatë trajnohen edhe në zanate tradicionale dhe teknika bujqësore, në mënyrë që të jenë të aftë të marrin përgjegjësi për veten e tyre. Ndërkohë, çështja e furnizimit me ujë në fshatin ku ndodhen është zgjidhur me ndihmën e një pompe nëntokësore Wilo-Actun OPTI, e cila furnizohet me energji diellore.

Fshati, ku janë të akomoduar mbi 100 vajza dhe djem nën kujdesin e fondacionit “BAOBAB”, shtrihet në një sipërfaqe prej rreth 5 ha. Megjithatë, uji i rrjedhshëm i pijshëm atje nuk është i garantuar. Deri së fundmi, uji për nevoja të pijes dhe përdorimit shtëpiak sigurohej përmes një pompe nëntokësore të furnizuar me karburant – një burim tjetër i vështirë për t’u siguruar në rajon. “Në zonat e largëta, sigurimi i karburantit është ose joefikas, ose plotësisht i pamundur. Pompa e furnizuar me energji diellore hap mundësi krejtësisht të reja për fondacionin dhe nxënësit e tij, duke pasur parasysh se 90% të vitit lokacioni është i ekspozuar ndaj rrezatimit të fortë diellor”, theksuan nga Wilo.

Teknologjia solare e pompimit e Wilo është zgjedhur për shkak të efikasitetit të lartë krahasuar me alternativat e tjera në treg. Sigurisht, prodhimtaria mund të variojë – për shembull gjatë sezonit Harmatan (periudha midis nëntorit dhe mesit të marsit në Afrikën Perëndimore), kur moti është mjaft i mjegullt dhe me re. Megjithatë, rezultatet janë të shkëlqyera, pasi vendbanimi përfiton nga furnizimi i pavarur me ujë. Më tepër – përveç përdorimit për nevoja të pijes, uji shfrytëzohet edhe për ujitjen e kopshtit të perimeve.

Wilo-Actun OPTI është projektuar posaçërisht për t’u kombinuar me sisteme fotovoltaike. Ajo ofron prodhimtari të optimizuar falë efikasitetit të lartë të motorit dhe hidraulikës, si dhe algoritmit dinamik të ndjekjes së pikës së fuqisë maksimale (MPPT).

Adresa: Tiranë, Shqipëri, 'Kavajes' - ''Lana Park''
Telefoni: +355 692 083 783
E-mail: rajf.murataj@wilo.com

Burimi i materialit fotografik: Wilo Bullgaria, Wilo