VOSS Automotive ќе произведува авто делови во близина на Ловеч, Бугарија
In Bulgarian In English In Romanian In Serbian
Германскиот автомобилски гигант VOSS Automotive ќе произведува компоненти за автомобилската индустрија во поранешната фабрика на Литекс моторс во село Баховица, во близина на град Ловеч, Бугарија, дозна BalkanEngineer.com. Се очекува компанијата да започне со работа во мај 2019 година.
Индустриската група веќе има склучено долгорочен договор за закуп на површина од 12 225 м2 при што инвестицијата во новата фабрика е во вредност од речиси 15 милиони евра.
Во обновениот објект ќе бидат отворени 1.000 работни места, при што активностите за вработување и обука на персоналот ќе започнат по околу два месеци. На обука во Германија се веќе првите менаџери кои ќе работат во новата производствена база.
VOSS Automotive има фабрики во целиот cвет, при што во нив се произведуваат компоненти за цевководни системи за горивните, пневматските, издувните и системите за ладење на лесни и тешки товарни возила.
Извор на фото материјал: VOSS Automotive