Нова година - нов изглед и можности! BalkanEngineer.com веќе „зборува“ и на албански јазик
BalkanEngineer.com веќе 8 години „зборува“ на четири од балканските јазици и ги информира техничките специјалисти од Балканот за новите производи и технологии, инвестиции и настани. А за нас е задоволство да споделуваме дека од почетокот на 2023 година платформата не само што има обновен изглед, туку сега „зборува“ и на уште еден балкански јазик, а имено на албански. Што е ново во платформата и што ќе најдете во BalkanEngineer Albania ќе ви раскажеме во следните редови...
Што има ново во BalkanEngineer.com?
Во текот на изминатите месеци, нашиот тим вложи многу труд и време за оптимизацијата на BalkanEngineer.com. Уште во 2022 година, разработивме сосема нов изглед на билтените и инвестиравме активно во ажурирање и проширување на нашите бази на податоци до кои тие достигнуваат. Во моментов продолжуваме да работиме на проширување на нашата база со специјалисти од Албанија.
Изгледот на страницата е ажуриран и е во синхронизација со новите трендови на веб-содржина. Веќе можеме да уживаме во поголем фонт и визуелизации, како и повеќе воздух помеѓу поединечните елементи.
BalkanEngineer in English веќе има специјален дел за компаниски статии на секој од балканските јазици. Така, пристапот до нив е многу полесен и видлив дури и од главната страница на информативната платформа.
Календарите на настани на секоја страница се ажурираат со сите објавени датуми за 2023 година, така што лесно можете да проверите кога ќе се одржи долгоочекуваниот од вас настан - изложба, саем, конференција или семинар.
Платформата сега има нов, помодерен изглед, но нема да застанеме тука. Наскоро планираме комплетен редизајн на страницата и мобилна верзија. Активно работиме и на проширување на пазарите каде што работи платформата, а првиот чекор во нејзиниот најнов развој е BalkanEngineer Albania.
Зошто се фокусиравме на Албанија и што ќе пронајдете на BalkanEngineer Albania?
Сместена на брегот на Јадранското и Јонското море, со своето изобилство од реки и езера, земјата има сериозен хидротехнички потенцијал, што ја подразбира реализацијата на техничките средства и целосни системи со примена во хидроенергетиката. Албанија е исто така богата со минерали на пример железна руда, бакар, никел и јаглен. Главниот извоз е на хром. Земјата има наоѓалишта на нафта и природен гас, кои се очекува да бидат развиени во наредните години. Друга насока во развојот на албанската економија е машиноградбата. Албанија извезува производи и за прехранбената индустрија, а повеќето работоспособни Албанци се вработени во земјоделството. Од неодамна, Република Албанија е кандидат за членка на Европската Унија, што ќе отвори и други можности и перспективи
за компаниите кои работат на тамошниот пазар.
Во BalkanEngineer Albania ќе најдете корисни статии, новости, мислења, анализи, промоции, прегледи на пазарот, како и интервјуа со специјалисти од различни фирми, лидери во областа на индустријата и градежништвото. Сето тоа на албански јазик.
Подготвени сме и да започнеме и специјален дел со огласи за работни места за инженери и техничари веднаш штом ќе установиме дека постои интерес на пазарот за таква опција.
|
Дали барате развој на странски пазари? Ако вашата компанија сака да продава технички производи или инженеринг услуги на Балканот, ние со задоволство ќе бидеме ваш информативен партнер и ќе ги информираме специјалистите од Србија, Романија, Северна Македонија, Албанија и други балкански земји за вашите одлуки. Не двоумете се да не контактирате на е-пошта: info.engineer.bg@gmail.com, за да добиете специјална понуда. |
Извор на фото материјали: Инженер.bg, Canva.com