Интелигентниот систем KNX на АББ ја претвора удобноста во дел од одржливиот начин на живот во Јужна Кореја

Во комплексот за одмор MONA YONGPYONG Premium Condominium, прекрасните планински пејзажи се спојуваат со најсовремените технологии за интелигентен начин на живот. Хотелот се наоѓа во Yongpyong Resort – еден од најголемите и најпрестижните скијачки центри во Јужна Кореја, со импресивна олимписка историја. Гостите и посетителите имаат директен пристап до врвни услови и капацитети за скијање и други зимски спортови, додека во внатрешноста на комплексот ги очекуваат исклучителна удобност, контрола и поврзаност, овозможени од интелигентниот систем за автоматизација на згради KNX на АББ, дизајниран да го подобри секој момент од нивниот престој.

Со вкупно 60 станбени единици, комплексот Lusongce (фаза 10) во MONA YONGPYONG Premium Condominium поставува нов стандард за луксузно живеење во Азија. Проектот обединува интелигентна автоматизација, елегантно интегрирани технолошки решенија и висока енергетска ефикасност, создавајќи чувство на исклучителна удобност во хармонија со природата. Како еден од најголемите градежни проекти со систем KNX во Јужна Кореја, тој се издвојува како иновативен модел за интелигентен начин на живот во регионот.

„MONA YONGPYONG ја избра АББ за свој ексклузивен партнер во реализацијата на својата амбициозна визија – создавање целосно поврзана средина што ја надополнува природната убавина на регионот. Резултатот е простор во кој интуитивните технологии природно се вклопуваат во спокојството на живописниот планински пејзаж, издигнувајќи го современиот луксузен начин на живот на сосема ново ниво“, информираа од АББ за BalkanEngineer.com.

За да ја поддржи амбицијата на MONA YONGPYONG да се етаблира како одржлив луксузен комплекс за одмор во текот на целата година, ABB имплементира целосна интелигентна инфраструктура за управување со зградите, базирана на стандардот KNX. Системот вклучува повеќе од 600 контролни панели и дисплеи од серијата АББ Trevion®, кои овозможуваат паметно управување со можност за проширување и приспособување кон променливите потреби на станарите.

Извор на фотографиите: АББ Блгарија