Интелигентниот контролер PLC 200-MPC на Унисист Инженеринг ги задоволува потребите за ефикасност во работниот процес

PLC200-MPC од водечката производствена, инженеринг и трговска фирма Унисист Инженеринг е интелигентен индустриски контролер од нова генерација. Создаден со намера да ги задоволи барањата на сите корисници на пазарот, тој се одликува со својот компактен дизајн, флексибилни можности и мултифункционалност. „Независно дали сте производител на електрични панели или оператор на трафостаница, овој уред е проектиран да ги задоволи сите ваши потреби за прецизност, сигурност и ефикасност во работниот процес“, соопштија  за BalkanEngineer.com од компанијата.

PLC 200-MPC е клучна компонента во системите за мониторинг и управување на енергетски извори, која најчесто се применува во фотонапонски инсталации. Со функции на трифазно паметно броило за наизменична струја, тој се користи и за управување на генератори, ветерни турбини, микроелектрани, пумпни станици и други енергетски и инфраструктурни објекти.

Благодарение на современата микропроцесорска технологија, PLC 200-MPC нуди висока сигурност, флексибилност и економичност, комбинирани со широк спектар на функционалности, вклучително и можноста за далечинска комуникација. Уредот може да функционира како самостојно решение, а исто така и како компонента од поголем систем за автоматизација. Служи за мерење на влезна и излезна енергија, при тоа компатибилен со монофазни и трифазни мрежи, во ѕвездеста или делта конфигурација, со можност за читање на 2 или 3 напони.

„PLC 200-MPC поседува широка база на податоци што ги складира количините и моменталните вредности на енергетските параметри. Преку интегрираниот веб интерфејс и SCADA режим, сите податоци лесно може да се визуелизираат во стандарден веб браузер, без значење на оперативниот систем или хардверскиот уред. Компатибилен е со Windows, Linux, Android, iOS и други платформи. Штелувањето и конфигурацијата на уредот исто така се изведуваат удобно преку истиот веб интерфејс, обезбедувајќи брз и интуитивен пристап до сите функции“, изјавија специјалистите од Унисист Инженеринг.

Унисист Инженеринг ДООЕЛ

Адреса: Софија, Бугарија, п.к. 1582 населба Дружба, бул „Цветан Лазаров“ 144

Телефон: +359 2 886 1203, +359 2 886 3237; +359 2 886 0562

E-mail: office@unisyst.bg

Дознајте повеќе за производите и услугите на компанијата што ги нуди во Македонија ТУКА!

Извор на фотографии: Унисист Инженеринг, ©Engineer BG via Canva.com