Истражување на Schneider Electric покажува дека индустријата за стоки за широка потрошувачка го забрзува воведувањето на AI

Во услови на засилена економска нестабилност и растечки притисок врз маржите, производителите на пакувани производи за широка потрошувачка (CPG) се соочуваат со две опции: да ги трансформираат своите операции или да ја намалат својата конкурентност. Ново глобално истражување на оваа тема од Schneider Electric прикажува јасен тренд за 2026 година – иднината им припаѓа на оние кои успешно интегрираат индустриска вештачка интелигенција.

Податоците од истражувањето на Schneider Electric за индустриската вештачка интелигенција во CPG секторот покажуваат загрижувачка слика: до 2030 година структурните производствени трошоци ќе продолжат да растат, а денес неефикасноста достигнува во просек 20.3% од крајната производствена цена. Паралелно со тоа, компаниите губат 15.2% од своите производствени приходи како последица на проблеми што можат да се спречат – вклучувајќи доработка, отстапувања во квалитетот и неефикасно користење на средствата.

Прогнозите се дека негативниот тренд ќе се засили:
• До 21.37% загуби уште следната година;
• До 29.14% до 2030 година.

„Овие показатели го ставаат прашањето за ефикасноста во центарот на стратешкото планирање во секторот“, посочија од Schneider Electric.

Во овој контекст, концептот на т.н. индустриска интелигенција се наметнува како следен чекор во развојот на индустриските операции. Тој обединува вештачка интелигенција, оперативни податоци и автоматизација во интегриран систем за донесување одлуки во реално време.

Во моментов, нејзиното воведување останува ограничено. Според информациите од Schneider Electric:
• 13% од компаниите наведуваат дека вештачката интелигенција (ВИ) е целосно интегрирана во нивните основни процеси;
• 37% очекуваат тоа да се случи до 2030 година.

Според Нил Смит, претседател за CPG секторот во Schneider Electric, оваа динамика одразува суштинска промена во индустријата. „Производителите прогнозираат тројно зголемување на воведувањето на ВИ до 2030 година, комбинирано со значителна промена во повратот на инвестицијата што очекуваат да ја постигнат – нивоа што денес главно се забележуваат кај автономните фабрики. ВИ има трансформативна улога кога се користи како дел од поширока индустриска интелигенција со синхронизација помеѓу податоците, автоматизацијата и аналитичките модели во реално време“, објаснува тој.

Извор на фотографии: Schneider Electric