Меѓународниот саем за градежни технологии Construct Expo ќе се одржи во Романија во месец март
In English. In Romanian. In Serbian.
Следното издание на меѓународниот саем за градежни технологии Construct Expo ќе се одржи од 23 до 26 март во саемскиот центар на Romexpo во главниот град на Романија, информираа за BalkanEngineer.com од организаторите ROMEXPO Exhibitions Centre.
„Construct Expo е еден од најстарите саеми што се одржува секоја година во регионот. Само во 2016 година тој беше посетен од над 16 000 луѓе“, рекоа уште од Romexpo.
Темата на саемот е градежни технологии, опрема и материјали, а посетителите ќе се запознаат со авангардните технологии во областите: производи, системи и технологии за изградба, електрични инсталации, надворешен урбанистички развој, материјали и технологии кои се користат во индустријата на железничкиот транспорт, кабелска транспортна индустрија, патишта и мостови, индустриски машини и опрема за градилишта, консалтинг, проектирање и имплементација.
"Во рамките на настанот ќе се одржат и саемите IMMOEX - саем за услуги во областа на недвижностите, AEDIFICUM - саем за станбено проектирање и ELEVATEX - саем за лифтови, ескалатори и подвижни патеки", соопштија уште организаторите.
Извор на фотографии: ROMEXPO