BalkanEngineer - Настан

Настан

19 march 2024Романската Rompetrol Rafinare започна со ремонт на рафинеријата Petromidia Navodari

Романската компанија Rompetrol Rafinare започнува со комплетен ремонт на рафинеријата Petromidia Navodari, кој според планот треба да биде завршен до 26 април годинава, дозна BalkanEngineer.com од Serbia-energy.eu. Извршуван од Rominserv, подружница на KazMunayGas International Group, проектот има за цел да ги модернизира производствените единици и да ја подобри безбедноста. За време на 40-дневната фаза на реновирање, ќе бидат извршени важни подобрувања, вклучително и замена на реактори и модернизација на клучни блокови. Овој циклус на одржување, што е задолжителен на секои четири години, не само што ја гарантира добрата состојба на рафинеријата, туку и го поставува почетокот за идни инвестиции и подобрени производствените капацитети.
15 march 2024Nestle отвори нова фабрика во српската престолнина Белград со инвестиција од над 80 милиони евра

Швајцарскиот прехранбен гигант Nestle отвори фабрика за храна од растително потекло во белградската населба Сурчин по инвестиција од повеќе од 80 милиони евра, дозна BalkanEngineer.com од SeeNews.com. Според зборовите на Марјана Давидовиќ - генерален директор на Nestle за Србија, Црна Гора и Северна Македонија, изградбата на новиот производствен објект продолжила две години, а компанијата сака да продолжи да инвестира во земјава. Nestle ја отвори својата прва фабрика во Србија во 2012 година, откако го купи српскиот производител на храна и пијалаци Centroproizvod.
14 march 2024Бугарскиот бизнис во Романија се зголемува: 22 се активните фирми со бугарски капитал во округ Прахова

Во моментов постојат 22 активни компании со бугарски капитал во романскиот округ Прахова, дозна BalkanEngineer.com од БТА. До крајот на 2023 година во Романија се регистрирани вкупно 3.238 компании со бугарско учество. Ова отвора интересни перспективи за економска соработка меѓу двете балкански земји. Во првите четири месеци од 2023 година вредноста на трговската размена меѓу Бугарија и Романија достигна околу 8,3 милијарди евра. Од овај износ, приближно 214 милиони евра се резултат на трговијата меѓу Прахова и Бугарија само минатата година, при што областа се претворува во важен фактор за стабилност и раст во регионот, отворајќи нови можности за соработка и развој.
09 march 2024Отворија високотехнолошка лабораторија за вселенски науки во Вишата поморска школа во Бугарија

Во Вишата поморска школа (ВПШ) во Варна, Бугарија, се одржа официјално отворање на високотехнолошка лабораторија за вселенски науки, дозна BalkanEngineer.com од БТА. На церемонијата присуствуваа високи воени претставници, меѓу кои и министерката за иновации и раст Милена Стојчева и командантот на поморските сили контраадмирал Кирил Михајлов, како и претставници на локалната власт и бизнисот. Лабораторијата, опремена со помош на ЕндуроСат претставува значително проширување на можностите за обука во областа на вселенската технологија. Директорот на компанијата Рајчо Рајчев истакна дека ова е првата лабораторија од ваков вид надвор од Софија.
06 march 2024Србија започнува со проширување на технолошкиот парк во Ниш во вредност од 25 милиони евра

Србија го започна проширувањето на државниот технолошки парк во јужниот град Ниш со инвестиција во вредност од 25 милиони евра, дозна BalkanEngineer.com од SeeNews.com. Според владиното соопштение за медиумите, нов објект што вклучува 9.500 квадратни метри канцелариски простор и меѓу 900 и 1.000 квадратни метри лаборатории ќе биде изграден во северозападниот дел на постојниот комплекс. Се очекува изградбата да заврши до октомври 2025 година. Во јуни 2023 година, Европската банка за обнова и развој (ЕБОР) потпиша договор за заем од 80 милиони евра со Србија, при што средствата се наменети за финансирање на проширувањето на технолошките паркови во земјата.
01 march 2024Д-р Алина Кулчеа ги презема операциите на компанијата за биотехнологии Amgen во Бугарија и Романија

Amgen, водечка меѓународна компанија во биотехнолошкиот сектор, објави дека д-р Алина Кулчеа ќе ги прошири своите функции на извршен директор во Романија, преземајќи го управувањето со одделот во Бугарија, дозна BalkanEngineer.com од Progressive.bg. Соопштението за оваа клучна промена во управувањето на компанијата веќе предизвика значителен интерес кај бизнис заедницата. Д-р Кулчеа е медицински специјалист кој дипломирал на Универзитетот „Карол Давила“ во Букурешт и има импресивно искуство во фармацевтската индустрија со над 25 години стаж.
28 february 2024Бугарската влада започна иновативни механизми за финансирање на проекти и компании кои го охрабруваат економскиот раст

Бугарската влада преку својот механизам за финансирање Фонд на фондовите (FoF) го најави почеток на пазарни консултации за два иновативни финансиски инструменти до 8 март, дозна BalkanEngineer.com од SeeNews.com. Првиот инструмент наречен Enterprise Innovation Fund е со буџет од 32,17 милиони евра. Фондот има за цел да ги поддржи претприемачките потфати преку поддршка на проекти насочени кон создавање на иновативни компании. Финансиската поддршка ќе го подобри развојот на производи и услуги со висока вредност, истовремено олеснувајќи го пристапот до знаења, технологии и иновации, особено во помалку развиените региони во земјата. .
25 february 2024ТАВ МАК од Северна Македонија аплицира за лиценца за производство на електрична енергија од фотонапонски централи

Водечкиот производител на батерии за автомобили во Северна Македонија, ТАВ МАК, аплицираше за лиценца за производство на електрична енергија во две соларни електрични централи со вкупен капацитет од 8 MW, дозна BalkanEngineer.com bnnbreaking.com. ТАВ МАК има намера да ја продава електричната енергија на слободниот пазар, а централите ќе имаат за цел да придонесат во секторот за обновливи извори на енергија и да го стимулираат економскиот раст на земјата. ТАВ МАК го поднесе барањето до Регулаторната комисија за енергетика и водни услуги (РКЕ), а бараното времетраење на лиценцата е 35 години.
22 february 2024Романската компанија за ѓубрива Norofert инвестира 1,2 милиони евра во истражувачка лабораторија

Романскиот производител на суровини за органско земјоделство Norofert објави дека инвестирал 3 милиони леи во првата фаза од изградбата на средна по големина истражувачка лабораторија. Ова го дозна BalkanEngineer.com од SeeNews.com. Втората фаза од проектот, планирана да започне до крајот на 2024 година, ќе ја донесе вкупната инвестиција во проектот на повеќе од 6 милиони леи (1,3 милиони долари/1,2 милиони евра). Сместена во просториите на фабриката за суровини на Norofert во Filipestii de Padure, лабораторијата ќе се користи за истражување и размножување на микроорганизми за земјоделски намени.
20 february 2024Албанија вложува 3 милиони евра во специјална програма за поддршка на старт-ап компании

Албанија ќе обезбеди износ од 3 милиони евра за извршување на програма за поддршка на старт-ап компании преку директно финансирање, дозна BalkanEngineer.com од SeeNews.com. Министерката за претприемништво и деловна клима, Делина Ибрахимај, објави дека почетокот на програмата е определен за 16 февруари 2024 година. Албанската влада ја одобри одлуката со што го отвори патот за развој на стартап екосистемот во земјата. Новите компании ќе бидат поддржани преку директно финансирање во три фази, при што се очекува од помошта да имаат корист околу 50-80 проекти. Вкупниот фонд предвиден со програмата за 2024 година е 3 милиони евра.