BalkanEngineer - Настан

Настан

09 october 2024САРК Бугарија инвестира 12 милиони евра во проширување на производствените капацитети во Шумен

САРК Бугарија, дел од турската индустриска групација Sarkuysan, го објави почетокот на клучен проект за проширување на својот производствен капацитет во Шумен, дозна BalkanEngineer.com од economy.bg. Проектот ја вклучува изградбата на нова производствена зграда за бакарни жици на површина од 8.015 квадратни метри во рамките на Втората индустриска зона во бугарскиот град. Изградбата и е доверена на Кастело Прикаст, водечка компанија во индустриската градба, а инвестицијата од 12 милиони евра ќе придонесе за отворањето на повеќе од 50 нови работни места и значително зголемување на производствениот капацитет на фабриката до 35.000 тони годишно.
07 october 2024Албанската компанија Vega Energy гради соларна електрична централа од 10 MW во Централна Италија

Албанскиот развивач на соларни паркови Vega Energy инсталираше 17.400 фотонапонски (PV) панели во соларна електрична централа од 10 MW за италијанската енергетска компанија EG Nascita во Централна Италија, дозна BalkanEngineer.com од SeeNews.com. Vega Energy користи фотонапонски модули произведени од меѓународната енергетска компанија Canadian Solar, се посочува во публикација на компанијата на LinkedIn. Според податоци на италијанската бизнис асоцијација Unioncamere, EG Nascita е регистрирана во Милано како друштво со ограничена одговорност.
04 october 2024Со инвестиција од 650 милиони евра, Nokian Tires ја отвори во Романија првата во светот фабрика за гуми со нулта јаглеродни емис

Финската компанија Nokian Tires ја отвори својата фабрика за автомобилски гуми во Орадеа, Романија, при што претставници на компанијата тврдат дека тоа е првата фабрика за гуми со нулта јаглеродни емисии во светот, дозна Borsa.bg од публикација на романскиот сајт agerpres.ro. Фабриката е реализирана со инвестиција од 650 милиони евра - што е меѓу најголемите инвестиции во Романија во последните години, со 100 милиони евра поддршка од романската држава. „Многу сме среќни да ја отвориме нашата фабрика во Орадеа. Тоа ќе ја зголеми нашата способност да ги послужуваме клиентите во Централна Европа и пошироко и ќе го поддржи нашиот план за зголемување на нашиот промет до 2 милијарди евра.
30 september 2024Бугарската компанија Healthy Bars го проширува своето производство со нова фабрика и се подготвува за влез на пазарите во Сад и

Бугарската компанија Healthy Bars планира да изгради нова фабрика во Софија. Новото производство ќе отвори 45 работни места и ќе воведе нови производи во палетата на компанијата, дозна BalkanEngineer.com од Economic.bg. Компанијата моментално има производствена база на друга локација во земјава со две производствени линии и 105 вработени. Healthy Bars ги продава своите производи во 46 земји, при што главни пазари се Германија, Холандија, Грција и Скандинавија.
27 september 2024Албанија за прв пат учествуваше на Cassini Hackathon со иновации за одржливост и зелени решенија

Албанската престолнина Тирана беше за прв пат домаќин на технолошкиот настан Cassini Hackathon помеѓу 13 и 15 септември оваа година, дозна BalkanEngineer.com од Albaniatech.org. Овогодинешното издание на настанот, поддржано од Европската комисија, се одржа во вкупно 10 европски земји. Cassini Hackathon се одржа под наслов „Животна средина и зелена транзиција“, со организатор во Тирана ICTSlab. Тимовите од Албанија кои беа вклучени на натпреварот презентираа широк спектар на проекти, меѓу кои и комбинирање на цемент и мов за намалување на емисиите на јаглерод диоксид, систем за превенција на пожари со помош на машинско учење и платформа за озеленување и охрабрување на употребата на велосипеди.
25 september 2024Седум нови инвестиции ќе ја стимулираат економијата на Северна Македонија во 2024 година

Се очекува седум нови инвестиции оваа година да ја стимулираат економијата на Северна Македонија, дозна Борса.bg од pari.com.mk. Новите проекти ќе доведат до зголемување на вработеноста и подобрување на животниот стандард, а освен тоа се предвидува проширување на производствените капацитети на веќе етаблираните компании во земјава. Економските податоци за јули и август покажаа раст на индустриското производство, особено на преработувачката индустрија, по падот во претходните месеци. Очекувањата се овој позитивен тренд да продолжи до крајот на годината. Во вториот квартал од 2024 година, БДП порасна за 2,3%, што ги надмина прогнозите на меѓународните финансиски институции и демонстрира знаци на економско обновување.
20 september 2024Србија и Кина потпишаа меморандум за научна и технолошка соработка во областа на зелената енергија

Српската енергетска компанија NIS потпиша меморандум за научна и технолошка соработка со кинеската компанија Sinopec Petroleum Engineering Corporation, дозна BalkanEngineer.com од SEENews.com. Sinopec Petroleum Engineering Corporation е дел од кинеската државна компанија Sinopec Group, која е најголемиот снабдувач на нафта и петрохемиски производи во Кина. NIS и Sinopec Petroleum Engineering Corporation планираат да соработуваат во области како што се зафаќање, искористување и складирање на јаглерод диоксид, нискојаглеродно производство на водород, како и производство на енергија од геотермални и соларни извори.
18 september 2024Регулаторот за електронските комуникации во Албанија распиша тендер за изградбата на 5G мрежа во земјата

Албанскиот регулатор за електронски комуникации и поштенски услуги AKEP распиша тендер за доделување на права за користење на фреквенции во опсегот 3400-3800 MHz, дозна BalkanEngineer.com од Kapitali.al. Понудата е наменета кон оператори за изградба на 5G мрежа во земјата. Според податоците на AKEP, околу 55 отсто од населението во Албанија ќе има 5G покриеност до крајот на 2027 година. До крајот на следната година, многу објекти во земјата, вклучувајќи ги пристаништата во Драч, Валона, Саранда и Порто Романо, меѓународниот аеродром, индустриската зона како и болничките центри во Тирана, ќе имаат 5G услуга, дел од спектарот 3,4-3,8 GHz.
16 september 2024Бугарскиот производител LB Bulgaricum ја модернизира својата производствена база за млечни производи во Видин

Бугарскиот производител на млечни производи LB Bulgaricum ја започна модернизацијата на своето претпријатие во град Видин, дозна BalkanEngineer.com од соопштение на компанијата. Од септември годинава се предвидува повторно зголемување на платите на вработените. Се очекува производствената база да се развива и унапредува етапно, при што во почеток претстои санирање на ладилните простории и повторно асфалтирање на алеите кои водат до погоните и паркингот пред самата зграда. LB Bulgaricum планира постепена замена на застарената опрема со нова техника за производство на свежо млеко, кравји путер и топени сирења.
13 september 2024Романија започна процедури за изградба на втор мост на река Дунав меѓу Ѓурѓево и Русе

Романската државна компанија за управување со патишта CNAIR поднела документација за валидација на физибилити студија за изградба на втор мост над река Дунав што ги поврзува Ѓурѓево, Романија и Русе, Бугарија, дозна BalkanEngineer.com од Romania-insider.com. Проектот ќе биде финансиран од Механизмот за поврзување на Европа CEF2. По одобрувањето на документацијата ќе биде објавен оглас за учество на тендерот во кој ќе биде утврден крајниот рок за доставување на понуди. Идниот прекуграничен објект ќе биде долг 2 километри и ќе треба да обезбеди врска меѓу патната и железничката инфраструктура меѓу двете земји.