Два нови фотонапонски проекти со вкупен капацитет од 107 MW добија одобрение од владата на Албанија

In English

Владата на Албанија даде официјално одобрување за изградбата на два големи фотонапонски (PV) проекти во југозападниот дел на земјата. Новите соларни паркови ќе бидат сместени во близина на град Фиер и ќе поседуваат вкупна инсталирана моќност од 107 MW, дозна BalkanEngineer.com од соопштение на владата.

Проектите се дел од долгорочната стратегија на Албанија за охрабрување на инвестициите во обновливата енергија и одржливиот развој при што се очекува значително да го зголемат производствениот капацитетот на сончева енергија во земјата, каде што до неодамна хидроцентралите доминираа во енергетскиот микс.

Поголемиот од двата нови соларни проекти, со капацитет од 82 MW, ќе го спроведе компанијата Albania Solar Power, основана во 2024 година од претприемачот Енџел Агалиу. Вториот проект, со моќност од 25 MW, ќе биде спроведен од Power Energy, основана една година претходно - во 2023 година - од бизнисменот Леонард Кастрати. И двете компании се локални инвеститори, што ја нагласува зголемената улога на албанскиот приватен сектор во транзицијата кон зелена економија.

Според дадената информација, изградбата на двата фотонапонски парка треба да заврши во рамките на три години од почетокот на активностите. После тоа, објектите ќе можат да работат во текот на 46 години, што подразбира долгорочно работење и одржлив придонес кон електроенергетскиот систем на Албанија.

Инсталациите ќе бидат опремени со модерна фотонапонска технологија, која ги исполнува современите барања за ефикасност и еколошка компатибилност. Се очекува проектираното годишно производство да придонесе за стабилноста на енергетското снабдувањето во земјата и да го помогне  исполнувањето на нејзините обврски според Зелената зделка на ЕУ и регионалната енергетска интеграција.

Од владата, исто така, посочуваат дека оваа инвестиција е важен чекор во напорите на Албанија да ја намали својата зависност од хидроелектричната енергија, која е ранлива на сезонски колебања, и да го прошири уделот на сончевата енергија во вкупниот електроенергетски биланс. Веста доаѓа во момент кога интересот за сончевата енергија на Балканот расте, а земји како Северна Македонија, Србија и Бугарија, исто така, ги зголемуваат инвестициите во овој сектор.

Извор на фотографии: ©Engineer BG via Canva.com