Wilo Group пречека претставници на индустријата во својата база во Дортмунд како домаќин на форумот „Фабрика на годината“

Меѓународната технолошка компанија за водни технологии Wilo Group беше меѓу домаќините на овогодинешниот форум „Фабрика на годината“ во Германија. Дводневниот индустриски конгрес се одржа во конгресниот центар Westfalenhallen во Дортмунд, а Wilo, како добитник на наградата за 2024 година, ги пречека во својата паметна фабрика поранешните и актуелните добитници на признанието, како и претставници на индустријата.

Од своето основање во 1992 година, „Фабрика на годината“ се смета за еден од најважните конкурси во европската производствена индустрија. Благодарение на својата напредна производствена база, во која се користат дигитализација и автоматизација за постигнување висок степен на оперативна флексибилност, Wilo Group го освои признанието за 2024 година, со што се нареди покрај Porsche (2023), Rational (2022), Siemens (2021) и Volkswagen (2020). „Наградата ‘Фабрика на годината’ нè утврди и нè мотивира. Таа покажува дека постојано го усогласуваме нашето производство со критериумите за ефикасност, одржливост и дигитална и AI извонредност – и поставуваме нови стандарди на глобално ниво“, коментира г. Георг Вебер, глобален технички директор на Wilo Group.

Оваа година компанијата ја презеде улогата на домаќин. „Вечерта пред главниот настан и доделувањето на наградите за 2025 година, Wilo ги пречека поранешните и актуелните победници на конкурсот во ексклузивниот ‘Клуб на шампиони’ во Networking Cube во Wilopark. Гостите имаа можност да го разгледаат производството за време на фабричка тура и лично да се запознаат со тоа како дигитализацијата, автоматизацијата и флексибилноста се применуваат во сите области – со холистички пристап што ја импресионираше стручната комисија минатата година“, споделија од Wilo.

Паметната фабрика на Wilo во комплексот Wilopark ги отвори вратите во 2019 година по инвестиција од над 125 милиони евра и 36 месеци изградба. На површина од 55 000 m² се произведуваат центрифугални пумпи тип моноблок со сув ротор, кои главно се користат во системи за греење и климатизација.

Извор на фотографии: Wilo