Системата за енергетски менаџмент ABB Ability™ Building Analyzer ја оптимизира потрошувачката на енергија на Аеродромот Даблин

Аеродромот Даблин управува со воздушна транспортна мрежа за кратки и долги релации од два терминала, лоцирани северно од ирската престолнина. Тој е „дом“ на низа водечки авиокомпании, вклучително и националните превозници на Ирска и Обединетите Арапски Емирати, како и трансатлантски авиопревозници од САД, а со него управува и го експлоатира аеродромскиот оператор daa. Со капацитет да опслужува околу 15 милиони патници годишно, Терминал 1 располага со 25 излези за заминување на површина од 137.221 m². Терминал 2 има ист патнички капацитет и површина од 142.007 m², која вклучува излезно крило со 19 патнички ракави за директно влегување во авионите.

„Имплементацијата на интелигентни технологии за згради во Терминал 2 на Аеродромот Даблин започнува уште за време на неговата изградба во 2010 година. Тогаш е воведен системот ABB Cylon® Building Automation and Controls за сеопфатно и ефикасно управување со енергијата. Во подоцнежна фаза, аеродромската администрација започнува подлабинска анализа на енергетската потрошувачка на објектот, при што следи и идентификува различни можности за остварување енергетски заштеди преку решението ABB Active Energy“, информираа за BalkanEngineer.com од АББ.

Првично, во Терминал 2 кон ABB Cylon® Active Energy се поврзани вкупно 420 мерни уреди, преку кои се следат различни зони и системи, како што се HVAC, осветлување и многу други. Во 2017 година се појавуваат нови барања, меѓу кои и потребата сите податоци од мерењата да бидат обединети на едно место, како и можноста за генерирање различни видови извештаи. Ова доведува до проширување на системот и имплементација на една од најновите разработки на АББ – ABB Ability™ Building Analyzer. „Таа претставува унапредено и ребрендирано решение на ABB Active Energy, кое е имплементирано на територијата на целиот аеродром, вклучително и двата терминала, придружниот кампус и околните згради“, објаснија од АББ.

Извор на фотографиите: АББ Бугарија, ABB