Ивелина Николова е новиот генерален менаџер на Schneider Electric за Бугарија, Албанија, Северна Македонија и Косово

In Albanian  In Bulgarian

Досегашниот управител- г-дин Радослав Кошков - веќе е потпретседател „Сервисен бизнис“ за Југоисточна Европа.

Балканската единица на Schneider Electric веќе се раководи од г-ѓа Ивелина Николова, која од 1 март 2023 година ќе ја извршува функцијата генерален менаџер за Бугарија, Албанија, Северна Македонија и Косово, соопштија од Schneider Electric Bulgaria за BalkanEngineer.com. Новото именување е последица на унапредувањето на актуелниот претседател до крајот на минатата година, г-дин Радослав Кошков - веќе потпретседател „Сервисен бизнис“ за Југоисточна Европа. „Успесите и на двајцата специјалисти ја докажуваат стручноста на бугарските кадри и ја потврдуваат нивната важност во регионот“, коментираа уште од бугарската компанија.

Новиот генерален менаџер на Шнајдер Електрик Бугарија, г-ѓа Ивелина Николова има импресивна професионална биографија. Таа е магистер по „Управување со синџирот на испораки“ на Универзитетот за национално и светско стопанство во Софија, како и има специјализација по „Стратешко управување“ на Бизнис училиштето кон Универзитетот Колумбија во Њујорк, САД. Таа е сертифицирана во спроведување на професионален консалтинг со интерес насочен кон бизнис услуги и иновации. Нејзиниот развој во кариерата оди паралелно со надградувањето на теоретските знаења - г-ѓа Николова има повеќе од 20 години искуство во областа на технолошките компании, од кои 15 во тимски менаџмент и развој на бизниси за технолошки и сервисни услуги.

Продолжувајќи ја линијата на успешно управување со луѓе и бизниси, г-ѓа Николова ги сподели своите први зборови како генерален менаџер: „Моето приклучување кон Schneider Electric е значаен чекор за мене, соединувајќи ги сите компоненти од моето претходно искуство. Досега работев во прогресивно развојно, иновативно и предизвикувачко опкружување, а имено духот на иновативност, толеранција и високите стандарди на водење на одговорен бизнис е тоа што ме привлече во компанијата“.

Ивелина Николова е и првата жена на чело на активностите на компанијата во Бугарија. Со овој чекор, Групацијата Schneider ја продолжува својата практика да става локални менаџери во раководството на регионалните структури насекаде во светот, со што се стреми да ја зголеми одржливоста на своето управување.

Мисијата на Schneider Electric е да биде дигитален партнер на индустријата за одржливост и ефикасност. Компанијата е двигател на дигиталната трансформација преку интегрирање на водечките светски процеси и енергетски технологии, облачни платформи, контрола, софтвер и услуги во текот на целиот животен циклус за остварување на интегрирано управување со компании, домови, згради, центри за податоци, инфраструктура и индустриски сектори.

Во Бугарија, глобалната компанија има иновативна „паметна“ фабрика во град Пловдив, изградена со сопствени технологии, во согласност со духот и стратегиите на Индустрија 4.0.

Дознајте повеќе за производите и услугите на компанијата што ги нуди во Македонија ТУКА!

Извор на фотографии: Шнајдер Електрик Бугарија