Потопни центрифугални пумпи на Saer Elettропомпе обезбедуваат водоснабдување на нов мега парк на брегот на океанот во Еквадор
Промени јазик: English Albania Serbia
Еквадор, или Република на екваторот, е држава во северозападниот дел на Јужна Америка, поделена на 24 провинции составени од 99 кантони. Еден од нив – Манта, во 2024 година ја одбележува 102-годишнината од своето прогласување за кантон со реализација на значаен јавен проект. Тогаш локалните власти официјално го отвораат Mega Centenario Agustín Intriago Park – огромен парк лоциран на брегот на океанот во градот Манта. Токму за него италијанскиот производител Saer Elettropompe испорачува свои центрифугални потопни пумпни системи за чиста вода од серијата S181, а повеќе за проектот за BalkanEngineer.com објасни инж. Александар Георгиев – регионален трговски претставник на Saer за Бугарија, Северна Македонија, Албанија, Косово, Грција и Кипар.
Mega Centenario Agustín Intriago Park е замислен како симболична знаменитост на градот Манта. Простирајќи се на 16 ha, од кои 7 ha зелени површини со над 600 дрвја, тој обезбедува зони за одмор, поврзаност со природата и семејна забава, но исто така се вбројува меѓу клучните туристички атракции во регионот. Меѓу неговите содржини се 7.5-метарска панорамска платформа на рид, отворен театар со капацитет од 5000 лица, детски игралишта, велосипедски патеки, пешачки патеки и најголемата фонтана на брегот, опремена со 70 осветлени водени млазови кои достигнуваат височина од 12 m, со чија помош се создава уникатно визуелно шоу.
„Локацијата претходно функционирала како мал рибарски док. Со активното проширување на градот, сепак, се појавиле проблеми како прекумерно загадување и задржување на отпадни води и отпад, особено по земјотресот во 2016 година. Денес, по инвестиција од 21 милион долари, новиот парк е единствениот во земјата со поглед кон океанот и најголемиот рекреативен проект од овој вид“, раскажа инж. Георгиев.
За да се обезбеди водоснабдувањето на објектот, Saer Elettropompe испорачува:
• 4 потопни пумпи S 181A1B со работна точка: Q=61.3 m³/h; H=23.4 m;
• 2 потопни пумпи S 181 B1 со работна точка: Q=96 m³/h; H=3 m;
• 2 потопни пумпи S 181A2B со работна точка: Q=81.8 m³/h; H=36 m.
Извор на фотографии: Saer Elettropompe, ©Engineer BG via Canva, Municipio de Manta, visitmanta.org