Решенијата на АББ ефикасно ги напојуваат и ја одржуваат беспрекорната работа на инсталациите во Бурџ Халифа

Издигнувајќи се на рекордната височина од 828 m, Бурџ Халифа претставува амбициозно архитектонско достигнување и највисоката зграда во светот. Нејзиниот препознатлив профил ја обликува современата силуета на Дубаи и привлекува милиони посетители од целиот свет. Уште од изградбата на облакодерот во 2010 година, АББ придонесува за неговата електрификација и автоматизација со своите докажани решенија и технологии. „Во текот на долгорочната експлоатација на Бурџ Халифа, фокусот постојано е насочен кон интеграцијата и одржувањето на комплексна мрежа од системи што функционираат мазно, поврзано и ефикасно, обезбедувајќи 24/7 сигурност и беспрекорна работа“, изјавија за BalkanEngineer.com од АББ.

Континуираната сигурност на сложените оперативни технологии во највисоката градба во светот зависи од високо ефикасен и добро координиран сет на „задкулисни“ системи кои работат прецизно и синхронизирано. Без разлика дали станува збор за одржување на климатизацијата, сигурна распределба на електричната енергија, обезбедување непрекината работа на безбедносните системи или активирање на активните елементи на импресивните фонтани пред зградата, АББ гарантира дека секоја инсталација во оваа мултифункционална мегаструктура функционира со бескомпромисна точност.

Со цел да обезбеди сигурна удобност и безбедност за станарите и посетителите на Бурџ Халифа, AББ ја поддржува работата на HVAC системите на сите катови на облакодерот преку широка палета решенија, вклучувајќи електромотори и фреквентни регулатори. „Тие се интегрираат беспрекорно, со минимално влијание врз зградните инсталации и придонесуваат очекувањата за енергетска ефикасност не само да бидат исполнети, туку и надминати“, додадоа од АББ.

Сигурното напојување на клучните процеси се реализира преку мрежа од трафостаници, вклучително и станица лоцирана на 155-тиот кат. Тие обединуваат ниско- и среднонапонски уреди на АББ кои ги поддржуваат електричните оптоварувања низ целата зграда – од 57-те лифтови до климатизацискиот систем со моќност од 24 MW. Овие решенија се поврзани со системите за распределба и контрола на електричната енергија, обезбедувајќи услови за континуирано и стабилно електроснабдување.

Извор на фотографии: АББ Бугарија, ABB