Tesy: Flaka e saldimit është matës i cilësisë dhe dora e qetë e saldatorëve tanë është çelësi për rezultatin perfekt

2025-12-045 min.

Ndrysho gjuhën: English Bulgaria N. Macedonia Romania Serbia

Me shitje në mbi 65 vende anembanë botës, katër fabrika dhe kapacitet prej 1.2 milion bojlerësh në vit, kompania kryesuese evropiane Tesy ruan pozicionin e saj lider, duke u renditur ndër tre prodhuesit më të mëdhenj të bojlerëve dhe pajisjeve shtëpiake në Evropë. Suksesi i saj megjithatë i detyrohet të gjithë mbi 1050 punonjësve, të cilët arrijnë të kombinojnë traditën me teknologjitë e reja. Dhe kur flasim për tradita, profesioni pa të cilin cilësia e produkteve finale do të ishte e paarritshme është ai i saldatorëve. Në familjen e Tesy, puna e tyre është në një piedestal të ndërtuar mbi trashëgimi, qëndrueshmëri dhe përqendrim. Dhe për ta dëshmuar këtë, kompania na prezanton me Erdjan Mehmedov Aliev dhe Radosllav Valentinov Zheljazkov.

Në Tesy, dita e punës së saldatorëve fillon qetë dhe e organizuar. Makineritë ndizën në mënyrë të njëpasnjëshme, ndërsa ekipet shqyrtojnë detyrat dhe përgatisin pajisjet. Fokusi kryesor është tek saktësia, siguria dhe proceset e qarta që përcaktojnë cilësinë e çdo elementi të prodhuar. “Kontrolli i parametrave, verifikimi i materialeve dhe respektimi i kërkesave teknologjike janë pjesë e procesit të përditshëm. Në saldim, aftësitë zhvillohen përmes praktikës dhe punës sipas procedurave të standardizuara, të cilat ndihmojnë në mbajtjen e një cilësie të lartë dhe të qëndrueshme të prodhimit. Çdo shirit, çdo lidhje është një provë e mjeshtërisë dhe përqendrimit të saldatorëve tanë. Flaka e saldimit është matës i cilësisë, ndërsa dora e qetë dhe shikimi i saktë janë çelësi i rezultatit të përsosur. Pikërisht për këtë proces mbështetemi tek kolegë si Erdjan dhe Radosllav”, theksuan nga kompania.

“Cilësia vjen kur punon pa tension të panevojshëm. Këtu procesi është i qartë — e di çfarë, si dhe pse e bën. Puna jonë përcakton cilësinë e produktit”, thotë Erdjan Mehmedov Aliev, i cili është pjesë e kompanisë që nga viti 2006 dhe tashmë e njeh zanatin në thellësi. “Doja të mësoja të saldoja”, ndan nga ana e tij Radosllav Zheljazkov. Ai iu bashkua ekipit të Tesy në vitin 2022 dhe ende i kujton ditët e para në kompani.

Më shumë rreth punës në ekipin e saldimit të Tesy mund të shihni në videon më poshtë.

Adresë: Sofia 1166, g.k. Sofia Park, Blloku 16B, kati 2, zyra 2.1
Kontaktet: +359 2 902 6666
E-mail: office@tesy.com