Wilo Group priti përfaqësues të industrisë në bazën e saj ultramoderne në Dortmund si mikpritëse e forumit “Fabrika e Vitit”

Kompania ndërkombëtare teknologjike për teknologjitë e ujit Wilo Group ishte ndër mikpritëset e forumit të këtij viti “Fabrika e Vitit” në Gjermani. Kongresi industrial dyditor u zhvillua në qendrën e konferencave Westfalenhallen në Dortmund, ndërsa Wilo, si fituese e çmimit për vitin 2024, mirëpriti në fabrikën e saj inteligjente fitues të mëparshëm dhe aktualë të çmimit, si dhe përfaqësues të industrisë.

Që nga themelimi i tij në vitin 1992, “Fabrika e Vitit” konsiderohet një nga konkurset më të rëndësishme në industrinë prodhuese evropiane. Falë bazës së saj të avancuar të prodhimit, ku përdoren digjitalizimi dhe automatizimi për të arritur një nivel të lartë fleksibiliteti operacional, Wilo Group fitoi çmimin për vitin 2024, duke u renditur krahas Porsche (2023), Rational (2022), Siemens (2021) dhe Volkswagen (2020). “Çmimi ‘Fabrika e Vitit’ na ka konsoliduar dhe motivuar. Ai tregon se ne vazhdimisht e përshtatim prodhimin tonë me kriteret e efikasitetit, qëndrueshmërisë dhe përsosmërisë digjitale dhe të inteligjencës artificiale – dhe vendosim standarde të reja në nivel global”, komentoi z. Georg Weber, drejtor teknik global i Wilo Group.

Këtë vit kompania mori rolin e mikpritëses. “Mbrëmjen para ngjarjes kryesore dhe ndarjes së çmimeve për vitin 2025, Wilo priti fitues të mëparshëm dhe aktualë të konkursit në ‘Klubin e Kampionëve’ ekskluziv në Networking Cube në Wilopark. Të ftuarit patën mundësinë të vizitonin prodhimin gjatë një turi në fabrikë dhe të njiheshin nga afër me mënyrën se si digjitalizimi, automatizimi dhe fleksibiliteti zbatohen në të gjitha fushat – me një qasje holistike që impresionoi jurinë e ekspertëve vitin e kaluar”, treguan nga Wilo.

Fabrika inteligjente e Wilo-s në kompleksin Wilopark hapi dyert në vitin 2019 pas një investimi prej mbi 125 milionë euro dhe 36 muaj ndërtimi. Në një sipërfaqe prej 55 000 m² prodhohen pompa centrifugale tip monobllok me rotor të thatë, të cilat përdoren kryesisht në sistemet e ngrohjes dhe klimatizimit.

Adresa: Tiranë, Shqipëri, 'Kavajes' - ''Lana Park''
Telefoni: +355 692 083 783
E-mail: rajf.murataj@wilo.com

Burimi i materialit fotografik: Wilo